Feschte    Text & Musik: Jacqueline Schlegel

 

                    Gsehsch, wie d’Wulke am Himmel schtöhn?

                    Gopferteckel! WÄR het gseit, hüt wärdi’s schön?

 

                    Alles isch parat!    (2 x)

 

                    S’Bliemli für an Krage,

                    dr mega-chiqui Wage,

                    Tisch und Schtiehl und Bänk

                    und uff eme Schemel e Zaine no für d’Gschänk.

 

                    D’Kärtli uff em Tisch,

                    dr marinierti Fisch.

                    Brot vo vilne Sorte

                    und - grad näbedra - e Doppelschtöcker-Torte.

 

                    Alles isch parat! (2 x)

 

                    Em Stephan si Gedicht

                    mit dr GANZE Läbensgschicht.

                    D’Nicole und dr Reto

                    mit Piccolo und Flöte.

 

                    S’WC-Hüsli schtoht.

                    e Mikrophon, wo goht.

                    Caipirinha-Bar

                    und für e bizeli schpöter: Dr Überraschigs-Schtar.

 

                    Alles isch parat! (2 x)

 

                    Kinderegge, Babysitter,

                    Trampolin, Laufgitter,

                    Erscht sit geschter

                    sogar e Krankeschweschter.

 

                    Dr Zauberer, zwei Clön,

                    Fürwärk und Ballön,

                    s’Musik-Trio Meier

                    und irgend so ne sauglatts Schpiel mit rohe Eier.

 

                    Alles isch parat! (2 x)

 

                    Alles isch parat!

                    D’Kotlett, dr Salat,

                    d’Bowle und dr Wi...

                    und… jetzt rägnet’s drii!

 

                        ZURÜCK